ރޭ މާލޭގައި އަލިފާނުގެ ހާދިސާ ހިނގި މ. ރަބީއުވިލާގެ ތަޅާލުމުގެ މަސައްކަތް ވަރަށް އަވަހަށް ފައްޓަވާނެ ކަމަށް، ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތްތަކާ ބެހޭ ވުޒާރާގެ ވަޒީރު އާދަމް ޝަރީފް އުމަރު ވިދާޅުވެއްޖެއެވެ.
ރޭ އަލިފާނުގެ ހާދިސާ ހިނގީ ކެނެރީމަގުގައި ހުންނަ ރަބީއުވިލާގޭ ހަތަރު ވަނަ ފަންގިފިލާގައެވެ. މި ހާދިސާގައި މީހަކަށް އަނިޔާ ނުވި ނަމަވެސް އެ ގެއަށް ބޮޑެތި ގެއްލުންތަކެއް ވަނީ ލިބިފައެވެ.
މިނިސްޓަރު އާދަމް ޝަރީފް އެކްސްގައި ކުރެއްވި ޕޯސްޓެއްގައި ވިދާޅުވީ އެ ގެއަކީ މީހުން ދިރިނުއުޅޭތާ ގިނަ ދުވަސް ވެފައިވާ، ބޮލަށް ވެއްޓޭ ވަރަށް ބާވެފައިވާ އިމާރާތެއް ކަމަށެވެ.
Mirey alifaanuge haadhisaa hingi geakee meehun dhirinoolheythaa gina dhuvas vefaivaa, bolah vettey varah baavefaivaa ge eh. Magumathee hingaabin'gaave ulhey faraaiythakah nurakkaatheri haashisaaeh medhuverivi vedhaane kamattakai sarukaaruge kamaa gulhun huri faraaiythakaa vaahaka…
— Adam Shareef Umar (@Adamshareefz) April 10, 2024
އެމްއެންޑީއެފުން ބުނި ގޮތުގައި އެ ގޭގައި ރޯވެފައިވާ ކަމުގެ ރިޕޯޓް ލިބުނީ ރޭ 8:19 ހާއިރުއެވެ. އެ ރިޕޯޓު ލިބުމާއެކު ފަޔާ އެންޑް ރެސްކިއު ސާވިސްއިން ގޮސް، އަލިފާން ނިއްވުމުގެ މަސައްކަތް ފެށިއެވެ. ވަރަށް ބޮޑަށް ރޯވެފައި ވަނިކޮށް އެ އަލިފާންގަނޑު ކޮންޓްރޯލް ކުރެވުނީ ރޭ 9:12ހާއިރުއެވެ.
