ޗިކަންގުންޔާއިން ރައްކާތެރިވުމަށް މިނިސްޓްރީ އޮފް ހެލްތް އިން ގޮވާލައިފިއެވެ.
ޗިކަން ގުންޔާއަކީ ޑެންގީ ހުންފަތުރާ މަދިރީގެ ޒަރިއްޔާއިން ފެތުރޭ ވައިރަލް ހުމެކެވެ. މި ބަލި ޖެހުމުން ހުޅުހުޅުގައި ރިއްސުމާއި ދުޅަވުން އަދި ހުން އައުން ފަދަ އުނދަގޫތައް ދިގު މުއްދަތަކަށް ދެމިގެންދެއެެވެ.
Protect yourself & your loved ones from mosquito bites. Use repellent, wear long sleeves & pants, and eliminate standing water. Stay safe & informed @HPA_MV pic.twitter.com/meRITEAZ4i
— Ministry of Health (@MoHmv) April 26, 2024
ޗިކުންގުންޔާގެ އަލާމާތްތައް:
- 39 ޑިގްރީ ސެލްސިއަސްއަށް ވުރެ ހުން ގަދަ ވުން
- ގަދައަށް ބޮލުގައި އަދި ގައިގައި ރިއްސުން
- ހުޅުހުޅުގައި ރިއްސުން
- ހުޅުހުޅު ދުޅަވުން
- ބަނޑުގައި ރިއްސާ މޭ ނުބައިކޮށް ހޮޑު ލެވުން
- ގައިގައި ތަރް ބިހި ނުވަތަ ރޭޝް ނެގުން
މި ބަލީގެ އަސަރު އެންމެ ބޮޑަށް ކުރަނީ ބަނޑުގައި އޮންނަ ދަރިފުޅަށް މަންމަގެ ފަރާތުން އެ ބަލި ޖެހުމުންނާއި، ތުއްތު ކުދިން އަދި އުމުރުން ދުވަސްވީ މީހުންނާއި އެހެނިހެން ބަލި ތަހައްމަލު ކުރާ މީހުންނަށެވެ.
މި ބަލިން ރައްކާތެރިވުމަށްޓަކާ އެންމެ މުހިންމުކަމަކީ ރައްކާތެރިވުމުގެ ފިޔަވަޅުތައް އެޅުމެވެ. އެގޮތުން، ބަލިން ރައްކާތެރިވުމަށް ކުރެވިދާނެ ކަންކަމުގެ ތެރޭގައި މަދިރިން ރައްކާތެރިވުމުގެ ގޮތުން ހަށިގަނޑު ބޮޑަށް ނިވާވާ ގޮތަށް ހެދުން އެޅުމާއި މަދިރި ލޯޝަން ނުވަތަ ސްޕްރޭ އެއް ބޭނުން ކުރުމާއި، ފަތިސް ގަޑީގައި އަދި އިރުއޮއްސޭ ވަގުތު މަދިރި އުޅޭވަރު ގިނަވާތީ ގޭގެ ދޮރުތަކާއި ކުޑަ ދޮރުތައް އެ ގަޑިތަކުގައި ލައްޕާފައި ބެހެއްޓުން ހިމެނެއެވެ.
އަދި މަދިރި އާލާވާ ތަންތަން ނައްތާލުމާއި، ގޭތެރޭގައި ހުންނަ ފެން ހަރުލާފަދަ ތަކެތި މަދުވެގެން ހަފުތާއަކު އެއްފަހަރު ސާފުކުރުމާއި، ފެނުގައި ގަސް ހައްދާނަމަ، މަދުވެގެން ހަފުތާއަކު އެއްފަހަރު ފެން ބަދަލުކުރުމާއި، ގޯތިތެރޭގައި ހުންނަ ގަސްމުށި، ހުސް ތާނގީ ފަދަތަކެތި ސާފުކުރުން އަދި ފެން ނޭޅޭގޮތަށް ބަންދުކޮށްފައި ބެހެއްޓުން ހިމެނެއެވެ.
މީގެ އިތުރުން އާންމު ތަންތަނަށް ހުސްފުޅިއާއި ދަޅު ފަދަ ފެންހަރުލާ ތަކެތި އަދި ކޮންސްޓްރަކްޝަން މަސައްކަތް ކުރުމަށް ގެންގުޅޭ ފެންހަރުލާ ތަކެތި އުކާނުލުމާއި، އާއްމު ތަންތަނުގައި ފެން ހަރުލާގޮތަށް ބަހައްޓާ ނުވަތަ އުކާލެވިފައިވާ ތަކެތި ނައްތާލުން ނުވަތަ ފެން ހަރުނުލާނޭހެން ބަންޑުން ޖެހުން ހިމެނެއެވެ.
މިދުވަސް ވަރަކީ ރާއްޖެއަށް ވިއްސާރަ ދުވަސްވަރެއްކަމުން މަދިރި ގިނަވެ ޗިކަންގުންޔާ އަދި ޑެންގޫ ފެތުރުމަކީ އާންމުކަމެކެވެ.
