ތައުރީފު ގްލޯބަލް ސެކިއުރިޓީ ފޯރަމްގައި، ދުނިޔޭގެ ސަލާމަތަށް ގަތަރުން އަދާކުރާ މުހިންމު ދައުރަށް ދިވެހި ރާއްޖޭގެ ހޯމްލޭންޑް ސެކިއުރިޓީ އެންޑް ޓެކްނޮލޮޖީގެ މިނިސްޓަރު އަލީ އިޙުސާން ތަޢުރީފު ކުރައްވާފިއެވެ.
ގަތަރުގައި ބޭއްވި މި ފޯރަމްގައި ބައިނަލްއަގްވާމީ މަޝްވަރާތަކަށް މަގުފަހިކޮށްދިނުމާއި ކޯޅުންތައް ހައްލުކުރުމުގައި އެގައުމުގެ މުޙިންމު މަގާމަށް އަލިއަޅުވާލާފައިވެއެވެ.
ގަތަރުގައި މި ގްލޯބަލް ސެކިއުރިޓީ ފޯރަމް ބޭއްވިގެންދާކަމީ ވަރަށް ބޮޑުކަމެއްކަމަށް މިނިސްޓަރު އިޙުސާން ފާހަގަކުރެއްވިއެވެ.
އޭނާ ވަނީ ދުނިޔޭގެ އެކި ކަންކޮޅުތަކުގައި ކުރިމަތިލުންތަކުގައި މެދުވެރިއެއްގެ ގޮތުގައި ގަތަރުގެ މަޝްހޫރު ތާރީހަށް ތައުރީފުކޮށްފައެވެ. އަދި ހަމަ މީގެ އިތުރުން ދިވެހިރާއްޖެއާއި އާއި އެއަށްވުރެ ދުރުގެވެސް މައްސަލަތަކަށް ކުރާ އަސަރު ފާހަގަކޮށްފަވެއެވެ.
މިނިސްޓަރު އިޙުސާން ވަނީ ދުނިޔޭގެ ސަލާމަތީ މަސައްކަތްތަކުގައި ގަތަރުގެ ފޮރިން މިނިސްޓްރީގެ ހީވާގި ދައުރު ފާހަގަކުރައްވާފައެވެ. "އެއްބައިވަންތަކަމާއި އެންމެ ކުޑަމިނުން ހަމަނުޖެހުންތަކަށް މަސައްކަތްކުރާ ދުނިޔޭގެ އިއްތިހާދުގެ ބައެއްގެ ގޮތުގައި އަޅުގަނޑުމެން މި މަސައްކަތުގައި ގަތަރުން ކުރާ މަސައްކަތުގެ އަގުވަޒަން ކުރަން." މިނިސްޓަރ ވިދާޅުވިއެވެ.
މި ފޯރަމްގައި ސަލާމަތީ ގޮންޖެހުންތައް ހައްލުކުރުމުގައި ބައިނަލްއަޤުވާމީ އެއްބާރުލުން ދިނުމުގެ މުޙިންމުކަން ފާހަގަކޮށް، ދުނިޔޭގެ ފެންވަރުގައި ސުލްހައާއި ހަމަޖެހުން ގާއިމްކުރުމަށް ގަތަރުން ކުރާ ޚިދުމަތްތަކަށް އަލިއަޅުވާލާފައިވެއެވެ. މިނިސްޓަރު އިޙުސާންގެ މި ތައުރީފުން ދައްކުވައިދެނީ ދުނިޔޭގެ ސަލާމަތާއި މެދުވެރިކަމަށް ގަތަރުން މިހާރު ކުރަމުންދާ މަސައްކަތްތަކަށް ދިވެހި ރާއްޖެއިން އަގުވަޒަން ކުރާކަމެވެ.
