މިރޭ ދެ ލޯންޗެއް ޖެހި ނުރައްކާތެރި އެކްސިޑެންޓެއް ހިނގައިފިއެވެ. މިހާދިސާ ހިނގާފައިވަނީ ހުޅުލެ ނެރު ކައިރިންނެވެ.
މިކަމާ ގުޅިގެން މެރިން ޕޮލިހުން ދަނީ އެ ސަރަހައްދުގައި ހަރަކާތްތެރިވަމުންނެވެ.
މިރޭ 23:00 ހާއިރު ހިނގި މި ހާދިސާގައި ހަތް މީހަކަށް އަނިޔާ ލިބިފައިވެއެވެ. އަދި އެމީހުން މިހާރުވަނީ އައިޖީއެމްއެޗަށް ގެންދެވިފައިވާ ކަމަށްވެސް މައުލޫމާތު ލިބެއެވެ.
އަނިޔާގެ ތަފްސީލް އަދި އެނގިފައެއް ނުވެއެވެ.
މެރިން އިންވެސްޓިގޭޝަނުން ދަނީ މި މައްސަލައާއި ގުޅިގެން ކުރަންޖެހޭ ތަހުގީގު ކުރަމުންނެވެ.
