ޣައްޒާގެ ރައްޔިތުންނަށް އެހީވާ އަލްޚައިރު ފައުންޑޭޝަންގެ ޑިރެކްޓަރ ޝަހީދުކޮށްލައިފި!

އެ ޖަމްޢިއްޔާއިން ބުނީ ގިނަ މުވައްޒަފުން އެވަގުތު ތިބީ އެކި ހިސާބުތަކުގައި އެހީ ބެހުމުގެ މަސައްކަތުގައި ކަމަށާ މި ހިތާމަވެރި ހާދިސާގެ ސަބަބުން ޣައްޒާއަށް އެހީވުމަށް އިތުރު ރޫޙަކާއި ހިތްވަރެއް ލިބުން ނޫންކަމެއް ނުވާނެ ކަމަށާ ފަހަތައްޖެހި ހުއްޓުުން ނާރާނެ ކަމަށެވެ.

ފަލަސްޠީނުގެ މިނިވަންކަމަށް ޖިހާދު ކުރަމުން އަންނަ ހަމާސް ޖަމާޢަތް ނައްތާލުމަށް ކަމަށްބުނެ، ނިރުބަވެރި ޔަހޫދީން ޣައްޒާއަށް ބޮންއަޅަމުން އަންނަތާ 281 ދުވަސް ވެފައިވާއިރު، މި ހަމަލާތަކުގައި މިހާތަނަށް މަދުވެގެން 38،345 ޣައްޒާ ރައްޔިތުން ވަނީ ޝަހީދުކޮށްފައެވެ. މީގެ ތެރޭގައި ގިނައީ އަންހެނުންނާއި ކުޑަކުދިންނެވެ. މީގެއިތުރުން 88،295 މީހުންނަށް ވަނީ ބޮޑެތި ޒަހަމްތައް ލިބިފައެވެ. ބޮންއެޅުމުގެ ސަބަބުން ވެއްޓިފައިވާ ގެތަކުގެ ދަށުގައި ތާށިވެފައި 10 ހާހަށްވުރެ ގިނަމީހުން ވާނެ ކަމަށް ބެލެވޭއިރު، 9،500 އަށްވުރެ ގިނަ މީހުން ވަނީ ޔަހޫދީން ހައްޔަރަށް ގެންގޮސް ޖަލުތަކުގައި ބަންދުކޮށްފައިވާ ކަމަށް ފަލަސްޠީނުގެ އިދާރާތަކުން ބުނެއެވެ.