ފުށިދިއްގަރުފަޅު ހިއްކައިގެން ތަރައްޤީ ކުރަން ނިންމާފައިވާ ރަސްމާލެ އަލުން ހިއްކަން ފަށައިފިކަމަށް ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ) އިން ބުނެފިއެވެ.
މާލޭގެ ދެކުނަށް އޮންނަ ފުށިދިއްގަރުފަޅު ހިއްކައިގެން ތަރައްގީ ކުރާ ރަސްމާލެ މަސައްކަތް ފަށާފައިވަނީ މިދިޔަ އަހަރުގެ ޑިސެމްބަރު މަހުގެ ތެރޭގައެވެ. އެ މަޝްރޫއުގެ ދަށުން 1،153 ހެކްޓަރުގެ ބިން ހިއްކުމަށް ހަމަޖެހިފައިވާއިރު، އެ މަސައްކަތް ކުރުމަށް އާބަންކޯ އިން މިހާރު ޙަވާލުކޮށްފައި ވަނީ ސްރީ ލަންކާގެ ކެޕިޓަލް މެރިން އެންޑް ސިވިލް ކޮންސްޓްރަކްޝަން ކޮމްޕެނީ (ސީއެމްސީސީ) އާއެވެ.
We are pleased to announce that we have resumed the reclamation work for Rasmalé Area F, marking another step forward in our community’s growth and development. #BuildingBeyondHorizons #WithHDC pic.twitter.com/AHuFvOgr9k
— Housing Development Corporation (@hdcmaldives) November 10, 2024
ރަސްމާލެ ޕްރޮޖެކްޓަށް ފުށިދިއްގަރު ފަޅު ހިއްކާ ނިމޭއިރު، ބިމުގެ ބޮޑުމިން ހުޅުމާލޭގެ ދެ ފިޔަވަހި އެއްކޮލުމުން ވާވަރުގެ ތިން ގުނަ ބޮޑުވާނެއެވެ. ސީއެމްސީ އަށް ޕްރޮޖެކްޓް ދީފައިވަނީ ބިން ހިއްކުމަށް ޚަރަދުވާ ފައިސާގެ ބަދަލުގައި މާލެ ސަރަހައްދުން 70 ހެކްޓަރުގެ ބިން 99 އަހަރަށް ދިނުމަށެވެ. އެގޮތުން ފުށިދިއްގަރުން 60 ހެކްޓަރުގެ ބިމާއި ހުޅުމާލެއިން 10 ހެކްޓަރުގެ ބިން ދިނުމަށް ވަނީ ނިންމައިފައެވެ.
ސަރުކާރުން ހާމަކޮށްފައިވާ ގޮތުގައި ރަސްމާލެ މަޝްރޫއަކީ ރައްޔިތުންނަށް ދިމާވެފައިވާ ބޯހިޔާވަހިކަމުގެ މައްސަލައަށް ޖުމްލަ ހައްލެއް ގެނެސްދޭނެ މަޝްރޫއެކެވެ.
