ހުޅުމާލެ ދެވަނަ ފިޔަވަހީގައި ހުރި ހިޔާ ޓަވަރަކުން ވެއްޓި އަނިޔާވި މީހަކަށް ފަރުވާދޭން ފަށައިފިއެވެ.
މިކަމާއި ގުޅޭގޮތުން ފުލުހުން ބުނީ، އެ މީހާ ވެއްޓުނީ ހިޔާގެ ތިން ވަނަ ޓަވަރުގެ ދެ ވަނަ ފަންގިފިލާއިންކަމަށެވެ.
މިހާރު އެމީހާއަށް ހުޅުމާލެ ހޮސްޕިޓަލްގައި ފަރުވާދެމުން އަންނަކަމަށް ފުލުހުން ބުނެފައިވާއިރު، މި ހާދިސާއާއި ގުޅޭ އިތުރު ތަފްސީލް ހިއްސާކޮށްފައެއް ނުވެއެވެ.
ފުލުހުން އަންނަނީ މި މައްސަލަ އިތުރަށް ބަލަމުންނެވެ.
