މާފުށީ ޖަލުގައި ޙުކުމް ތަންފީޒު ކުރަމުންދިޔަ ޒުވާން ޤައިދީއަކު ދަންޖެހިގެން ނިޔާވެއްޖެއެވެ.
ޖަލުގައި މިއަދު ދަންޖެހިފައި ހުއްޓާ ފެނުނީ ސ. މަރަދޫ ފޯ ފްލާވަރ އިބުރާހީމް ޝަމްވީލް، 23 އަހަރެވެ.
ކަރެކްޝަންއިން ބުނީ މިއަދު ހަވީރު 4:20 ހާއިރު އިބުރާހީމް ޝަމްވީލް އޭނާ ހުންނަ ގޮޅީގައި ދަންޖެހިފައި ހުއްޓާ ފެނުމުން، ވަގުތުން އޭނާ މާފުށީ ހޮސްޕިޓަލަށް ގެންދިޔަ ކަމަށެވެ.
ނަމަވެސް އިބުރާހީމް ޝަމްވީލް ނިޔާވެފައިވާ ކަމަށް 4:55 ގައި ޑޮކްޓަރުން ވަނީ ކަނޑައަޅާފައި ކަމަށް ކަރެކްޝަނުން ވަނީ ބުނެފައެވެ.
މަޢުލޫމާތު ލިބިފައިވާ ގޮތުގައި އިބުރާހީމް ޝަމްވީލަކީ މީހެއްގެ ފުރާނައަށް ގެއްލުމެއް ދީފާނެކަމުގެ ބިރުދައްކާ އެފަދަ ކަމެއް ކޮށްފާނެ ކަމުގެ ކުށުގައި 1 އަހަރާއި 6 މަސް ދުވަހުގެ ޙުކުމެއް ތަންފީޒު ކުރަމުންދިޔަ މީހެކެވެ.
